عيـون الحسـد

عيـون الحسـد

كنا هنــا ..
وكان الحنان اللي سكن في قلوبنا
وكان الزمــان ..
اللي احتوانــا بفرحتــه
واللي نسانا افـ غفلتـه
يعزف على اوتار الهوى في دروبنـا
* * * *
وكنا هنــا ..
يوم القلوب الصافيه ..
هي ملحنا وهي عيشنا
يوم العيون الساهيه
عنا افـ هواها لاهيه
ما همها وش بيننا
* * * *
وكبر الهـوى
وازهر ورود ٍ شوفها يـروي حـلا
كبر الهـوى
وامطر على من حولنا عشق وغـلا
إلا العيون اللي سرقت
أحلامنــا ثـم شهقــت
يا ويلها من ربهــا وكل المـلا
كيف ارتضت ترمي هوانا للبلى
* * * *
عين الحسـد
ليتك قبل مأساتنا جاك الرمــد
كان الحنان اللي سكنـّا مـ انطرد
وكان الزمان افـ غفلته لين الأبــد
عين الحسد
أدعي عسى الله ينتقم ..
من شر نفثـك في العقـد
ويعيذنـــــــا
من كل شرك للأبـد